أحلى بطولة وأحلى كاس
جابها الأهلي بدٌعا الناس
لما قالوا يا رب اوعدنا
وابعد عنا ظنون الياس
لكن ربك لما يريد
يخلي قلوب الأهلي حديد
يخلي أشبال الأهلي أسود
يخلي شديد قناوي شديد
ربك خلى الشاطر شاطر
يطوي جبال ويعدي قناطر
يملى يمين الأهلى حماس
يرفع بمقاس بلا مساطر
ربك خلى البلبل شادي
يباصي بمزاج ويدادي
ويفسد كل التسديدات
اللي جايه من الأعادي
أما حصن القلعة وائل
خلى حيطان الصد حوائل
ورد بصواريخ أهلاوية
أزعجتهم كالزلازل
أما حسام الفرقة عاشور
زى النسر دا لما يثور
يعافر ويقطّع بمخالبه
ويهاجم زى الديناصور
أما النمر أكوتي منساه
مش ممكن أبداً ننساه
قام بدوره الهجومي
زى ما شاء الإله
دار الدينامو حسن مصطفى
خلى التوانسه يقفوا صفا
ويدٌّولوا تعظيم سلام
ويقولوله برشا كفى
نجم النجوم انته يا حضري
يا عشق الريفي والحضري
يا سد عالي وحصن منيع
ما شوفتش ويه طول عمري
أما الخٌط أخونا فلافيو
لا تقولى نفطي ولا سافيو
لعبه خلى الحجر يتكلم
ويقوله جود وآى لافيو
أما بيدو عماد المٌتعب
بث الرعب نزوله الملعب
دوٌّخ فاتح والمرداسي
والزيادي تاه ف الملعب
فنان الشعب أبو تريكه
أعظم من روسيا وامريكا
ومش ياباني ولا صيني
ولا حد مثيله ف أفريكا
ف العبقريه مالوش مثيل
ولعبه فن ومش تمثيل
يكسر حواجز أي مكان
ويعدي حدود المستحيل
رسم البسمة ف لحظة شوق
خلى موات الصمت يفوق
خلى جواشي يموت م الحسره
وخلى الأهلي يموت ويفوق
رغم أنف كل جبان
الأهلي رايح لليابان
والزمالك مهما يعمل
آخره هيروح السودان
القصيدة مهداة إلى فرسان النادي الأهلي أبطال إفريقيا 11 \ 11 \ 2006 بعد فوزهم بدوري أبطال إفريقيا على فريق الصفاقسي التونسي في عقر دارهم بنتيجة 1 \ صفر أحرزه اللاعب المحبوب محمد محمد أبو تريكه في الدقيقة 92 من عمر المباراة .
جابها الأهلي بدٌعا الناس
لما قالوا يا رب اوعدنا
وابعد عنا ظنون الياس
لكن ربك لما يريد
يخلي قلوب الأهلي حديد
يخلي أشبال الأهلي أسود
يخلي شديد قناوي شديد
ربك خلى الشاطر شاطر
يطوي جبال ويعدي قناطر
يملى يمين الأهلى حماس
يرفع بمقاس بلا مساطر
ربك خلى البلبل شادي
يباصي بمزاج ويدادي
ويفسد كل التسديدات
اللي جايه من الأعادي
أما حصن القلعة وائل
خلى حيطان الصد حوائل
ورد بصواريخ أهلاوية
أزعجتهم كالزلازل
أما حسام الفرقة عاشور
زى النسر دا لما يثور
يعافر ويقطّع بمخالبه
ويهاجم زى الديناصور
أما النمر أكوتي منساه
مش ممكن أبداً ننساه
قام بدوره الهجومي
زى ما شاء الإله
دار الدينامو حسن مصطفى
خلى التوانسه يقفوا صفا
ويدٌّولوا تعظيم سلام
ويقولوله برشا كفى
نجم النجوم انته يا حضري
يا عشق الريفي والحضري
يا سد عالي وحصن منيع
ما شوفتش ويه طول عمري
أما الخٌط أخونا فلافيو
لا تقولى نفطي ولا سافيو
لعبه خلى الحجر يتكلم
ويقوله جود وآى لافيو
أما بيدو عماد المٌتعب
بث الرعب نزوله الملعب
دوٌّخ فاتح والمرداسي
والزيادي تاه ف الملعب
فنان الشعب أبو تريكه
أعظم من روسيا وامريكا
ومش ياباني ولا صيني
ولا حد مثيله ف أفريكا
ف العبقريه مالوش مثيل
ولعبه فن ومش تمثيل
يكسر حواجز أي مكان
ويعدي حدود المستحيل
رسم البسمة ف لحظة شوق
خلى موات الصمت يفوق
خلى جواشي يموت م الحسره
وخلى الأهلي يموت ويفوق
رغم أنف كل جبان
الأهلي رايح لليابان
والزمالك مهما يعمل
آخره هيروح السودان
القصيدة مهداة إلى فرسان النادي الأهلي أبطال إفريقيا 11 \ 11 \ 2006 بعد فوزهم بدوري أبطال إفريقيا على فريق الصفاقسي التونسي في عقر دارهم بنتيجة 1 \ صفر أحرزه اللاعب المحبوب محمد محمد أبو تريكه في الدقيقة 92 من عمر المباراة .
ليست هناك تعليقات:
إرسال تعليق