كما كُنا

فاضل أيام ونتقابل
وتاني نعود كما كُنا
ويقابل القطر مُقابل
رصيفُه مفروش بالحنه
هأنزل وأخدك في يدي
وألف البلاد بيكى
فوق الشوك نمشى نعدى
نِعد النجوم على إيديكى
ونسهر للفجر الوردي
وأشوف الحلم ف عنيكى
بيتمخطر أقول وِدى
أعيش العمر لو جنبك
أتوه جوه شرايينك
أسكن بين بيبان قلبك
وأنام فوق دراعينك
واحلم بالجنه فوق دربك
بتنهل من شرايينك
اوهبيني مره حبك
حب يذهب بالعقول
اوهبيني مره شمسك
شمس ما تخشى الأفول
أُسُكُنيني بعطف قلبك
خلي العمر يا عمرى يطول
بس لو اسمع أنينك
يبقى الفراق دق الطبول
وكإننا لم نتقابل
ونعود كما كُنا