إشغالات إشغالات
إشغالات إشغالات
على الطريق إشغالات
والبيوت إشغالات
والميه برضه إشغالات
حتى القلوب إشغالات
وإحنا جايين النهارده
علشان نزيل الإشغالات
صدر قرار بدون معارضه
حتماً تُزال الإشغالات
وممنوع يزيد الكردون يارده
تُبنى عليه الإشغالات
يوم فيوم تبقى بيوت
يوم فيوم تبقى عمارات
وإحنا فى حراسة العساكر
جايين نزيل كل البيوت
ونجدد الموت بالموات
جايين نقلد إسرائيل
ومعانا للهدم ألآت
تزلزل البيت من جدوره
تنتفض تحته الآفات
والبيت اللى ييجى دوره
ينهدم يبقى رفات
ينطفى من الأرض نوره
ويبقى ذكرى ماضى فات
جايين نقلد إسرائيل
ونغتال الأعياد والمناسبات
ونحطم أحلام الغلابه
تحت سيور الجرافات
ونبدُر الدنيا ديابه
تنهش فى أعراض البنات
لجل ما تبقى الدنيا غابه
ويلعن الأخ الخوات
وتتملى الحياه كآبه
وألآم وأنين وآهات
جايين نقلد إسرائيل
ونعمّر الدنيا خراب
ونطارد الأموات يهّجوُا
من تحت طبقات التراب
ونحرق الزرع فى غيطانه
والمواشي تبقى رمه للكلاب
والكلاب هتجوع وتعوى
تجرى فى الأرض الخراب
ومسيرها تاكل بعضها
ومسيرها ياكلها الذباب
والأرض تترصص رمم
من بنادمين ومواشي وكلاب
والموت يعشش ع الحياه
وكأنه جه يوم الحساب
وتُفنى أشكال الحياه
وتتساوى الحياه والموت
تحت أطباق التراب
لأن الحياه والموت
فى الأصل كانوا إشغالات
إشغالات إشغالات
على الطريق إشغالات
والبيوت إشغالات
والميه برضه إشغالات
حتى القلوب إشغالات
وإحنا جايين النهارده
علشان نزيل الإشغالات
صدر قرار بدون معارضه
حتماً تُزال الإشغالات
وممنوع يزيد الكردون يارده
تُبنى عليه الإشغالات
يوم فيوم تبقى بيوت
يوم فيوم تبقى عمارات
وإحنا فى حراسة العساكر
جايين نزيل كل البيوت
ونجدد الموت بالموات
جايين نقلد إسرائيل
ومعانا للهدم ألآت
تزلزل البيت من جدوره
تنتفض تحته الآفات
والبيت اللى ييجى دوره
ينهدم يبقى رفات
ينطفى من الأرض نوره
ويبقى ذكرى ماضى فات
جايين نقلد إسرائيل
ونغتال الأعياد والمناسبات
ونحطم أحلام الغلابه
تحت سيور الجرافات
ونبدُر الدنيا ديابه
تنهش فى أعراض البنات
لجل ما تبقى الدنيا غابه
ويلعن الأخ الخوات
وتتملى الحياه كآبه
وألآم وأنين وآهات
جايين نقلد إسرائيل
ونعمّر الدنيا خراب
ونطارد الأموات يهّجوُا
من تحت طبقات التراب
ونحرق الزرع فى غيطانه
والمواشي تبقى رمه للكلاب
والكلاب هتجوع وتعوى
تجرى فى الأرض الخراب
ومسيرها تاكل بعضها
ومسيرها ياكلها الذباب
والأرض تترصص رمم
من بنادمين ومواشي وكلاب
والموت يعشش ع الحياه
وكأنه جه يوم الحساب
وتُفنى أشكال الحياه
وتتساوى الحياه والموت
تحت أطباق التراب
لأن الحياه والموت
فى الأصل كانوا إشغالات
القصيدة مهداة إلى م/ منى السعيد ، مدير هندسة صرف رشيد التي أتت بحديدها وجندها لتهدم حلما بنيناه بشق الأنفس 2006
ليست هناك تعليقات:
إرسال تعليق