ويفيد بأيه

ويفيد بأيه إنى أحبك
ويفيد بأيه
كفايه عذاب شوفته فى حبك
ولا ناسيه
ويفيد بأيه
ما كفايه عذاب وجراح وألام
وكفايه عتاب تجريح وملام
دا مافرقناش إلا الكلام
اللى ماقدرناش عليه
ويفيد بأيه
جايلى تاني ليه
بكلام هيفيد بأيه
وتفكرني بماضي نسيته
ويامه بكينا عليه
ويفيد بأيه
أنا مش شايف إنه يفيد
ومن الأحسن أبقى بعيد
يمكن بُعدى ها يبقى فى صالحك
ونعيش تانى حب جديد
لكن بعد إيه
مستحيل نرجع تانى
مستحيل أبداً يا خِلى
إنه تجمعنا الأمانى
ياللى عشت الماضى ضلى
مستحيل وإسألنى ليه ؟
ها قولك قلبى مات خلاص
بعد ما ضاع منى الخلاص
ولما ضعت أنا قولت خلاص
ها يفيد بأيه